நட்பில் ஊடல்
அவளது நட்பில்
ஆனந்தம் இருந்தது
அவளது விசாலமான
அறிவும் தெளிவும்
சுதந்திரத்தைத் தந்திருந்தது
ஒரு வருடப் பழக்கத்தில்
ஒரே ஒரு முறைதான்
அவனை முத்தமிட்டிருக்கிறாள்
முத்தமிட்ட அன்றொடு முடிந்து
போனது நட்பு
இன்றைக்கும் அவனைப் பார்த்தால்
புன்னகைக்கிறாள்
அவனுக்குத்தான் கடன்கள்
அடிக்கடி ஞாபகம் வந்துத்
தொலைகிறது
அவனே கேட்டு விட்டான்
நீ முன்பு மாதிரி இல்லை
அதற்கு அவள் சொன்னாள்
ஊடல் கூடாதா
இந்த முறை உதட்டில்
விரலை வைத்து அழுத்தினாள்
வெகு தூரம் போய் விட்டாள்
இனி கடன்காரி அவள்
வராமல் இருந்தாலும் பரவாயில்லை
என்று நினைக்கத் தொடங்கினான்
தனுஷ்
கருத்துகள் இல்லை:
கருத்துரையிடுக